ფრაქცია ,,ერთიანი ნაციონალური მოძრაობის“ სხდომა

2023 წლის 23 მაისს, გაიმართა სენაკის მუნიციპალიტეტის საკრებულოს ფრაქცია ,,ერთიანი ნაციონალური მოძრაობის“ სხდომა. სხდომას, ფრაქციის თავმჯდომარე, ლაშა კუჭავა უძღვებოდა. დღის წესრიგის მიხედვით გათვალისწინებული იყო ერთი საკითხის განხილვა. სენაკის მუნიციპალიტეტის საკრებულოს წევრის, ლელა შერვაშიძე-კუპრეიშვილის განცხადების განხილვა, სენაკის მუნიციპალიტეტის საკრებულოს ფრაქციაში გაწევრიანების თაობაზე. ,,მომხსენებელმა, ფრაქციის წევრებს გააცნო N64 სენაკის საოლქო საარჩევნო კომისიის თავმჯდომარის განკარგულება N2/2023, სენაკის მუნიციპალიტეტის საკრებულოში საარჩევნო სუბიექტის ,,ერთიანი ნაციონალური მოძრაობის“ პარტიული სიით არჩეული სენაკის მუნიციპალიტეტის საკრებულოს გამოკლებული წევრის გრიგოლი შურღაიას (პარტიულ სიაში N12) ადგილმონაცვლედ, იმავე პარტიულ სიაში მომდევნო საკრებულოს წევრობის კანდიდატის ლელა შერვაშიძე-კუპრეიშვილის ცნობის შესახებ. სენაკის მუნიციპალიტეტის საკრებულოს ფრაქცია ,,ერთიანი ნაციონალური მოძრაობის“ წევრებმა ერთხმად დაუჭირეს მხარი საკრებულოს წევრის ლელა შერვაშიძე-კუპრეიშვილის ფრაქციაში გაწევრიანებას. სენაკის მუნიციპალიტეტის საკრებულოს სამანდატო, საპროცედურო საკითხთა და ეთიკის კომისიას, ეთხოვა, ,,სენაკის მუნიციპალიტეტის საკრებულოს კომისიის წევრთა რაოდენობისა და პროპორციული წარმომადგენლობის კვოტის განსაზღვრისა და დამტკიცების შესახებ“ სენაკის მუნიციპალიტეტის საკრებულოს 2022 წლის 25 ოქტომბრის N5 განკარგულების შესაბამისად, განიხილოს და წარუდგინოს სენაკის მუნიციპალიტეტის საკრებულოს ბიუროს დასკვნა აღნიშნულ კანდიდატთან დაკავშირებით საკრებულოს კომისიის შემადგენლობაში გადანაწილების შესახებ“.